“حيوان زلومته طويلة وجسمه كبير
وودانه عريضة كأنها هتاخده وتطير”
يوم الجمعة الصبح ماما وبابا ومنصور وبطلتنا الصغيرة راحوا جنينة الحيوان علشان يشوفوا الحيوانات المختلفة. وكل مرة يشوفوا الحيوان، يوصفوه لنا علشان نخمن هو ايه؟ ومن مكان لمكان جوا جنينة الحيوان، بنتعرف على ست حيوانات… وفي آخر القصة بتحصل حاجة غريبة كانت هتتسبب في قفل الجنينة! يا ترى إيه اللي حصل وازاى المشكلة اتحلت ؟!
في رحلة ظريفة بتاخدنا الكاتبة والناشرة ياسمين طلعت لزيارة جنينة الحيوان من خلال نص شيق مكون من جمل قصيرة مسجوعة بالعامية المصرية عشان توصل معلومات بسيطة عن الحيوانات المختلفة للأطفال.
في رحلة ظريفة بتاخدنا الكاتبة والناشرة ياسمين طلعت لزيارة جنينة الحيوان من خلال نص شيق مكون من جمل قصيرة مسجوعة بالعامية المصرية عشان توصل معلومات بسيطة عن الحيوانات المختلفة للأطفال.
إخراج الكتاب متميز وتفاعلي من خلال الأجزاء المطوية في كل صفحة اللي بتخبي كل حيوان لحد ما الطفل يخمنه من الوصف بتاعه. فيه كمان عرايس إصبع للحيوانات ممكن تشتروها مع الكتاب عشان تتفاعلوا مع القصة وتتعرفوا على الحيوانات بطرق مختلفة.
الكتاب من إصدار كيدزوتيك لعام 2026. ومناسب لسن +3
ندعوكم لمشاهدة الفيديو الترويجي على اليوتيوب.
الكتاب متوفر من دار النشر عبر هذا الرابط.
*صور الكتاب من موقع كيدزوتيك