شوية أفكار بسيطة للاستمتاع مع طفلك بالعربي بمناسبة اليوم العالمي للغة العربية اللي بيتم الاحتفال به يوم 18 ديسمبر من كل سنة.

يللا نلعب : فاكرين لعبة أتوبيس كومبليه أو الأتوبيس كامل العدد؟ حدد فئات زي اسم ولد، اسم بنت، جماد، حيوان، بلد، أكل، إلخ…اختار حرف، ممكن تبدأ بأول حرف من اسم الطفل، وفكروا مع بعض في كلمات تبدأ بنفس الحرف تحت الفئات المختلفة… فيه أفكار كتيرة بسيطة ممكن تساعد على تنمية حصيلة الطفل اللغوية عن طريق اللعب وفيه كمان لعبة حريف الحروف من مكوك. 

ونتكلم : الكلام مع طفلك بالعربي هيساعده في التعبير عن نفسه وكمان في تنمية مهارات القراءة والكتابة بالعربي. ممكن تتعرفوا على أصوات الحروف العربية أو ازاي بنقول كلمات زي حذاء مثلا باللهجات العربية المختلفة مع حساب انستجرام مدرسة كلامنا.

ونغني :  أغاني زمان وكل زمان اللي رسمها حلمي التوني لدار الشروق. وممكن كمان تأليف أغاني على وزن أغاني طفلك يعرفها بلغات تانية زي العنكبوت النونو مثلا. 

إحنا طبعا بنحب الأغنية دي قوي !

 ونقرا: خصص وقت لقراءة قصة بالعربي (بالفصحى أو العامية)  أو ألف واحكي قصص من خيالك ! 

بنفكركم بحملة قصصنا بالعربي: https://www.instagram.com/hadibadibooks/channel/ 

ونكتب: عرف طفلك على أشكال الحروف العربية وخليه يحاول يكتبها ويلونها. كمان ممكن يكتبها بصباعه في الرمل أو يشكلها بالصلصال.  للأطفال الأكبر سنا، ممكن يختاروا شكل  الخط العربي اللي يعجبهم ويكتبوا به اسمهم: https://www.arabiccalligraphygenerator.com/ 

موارد إضافية:

• قائمة كتب الأبجدية العربية للأطفال
• موارد للأطفال واليافعين بالعامية المصرية 
• إزاي نختار الكتاب المناسب لطفلي؟
• فين نلاقي كتب عربي للأطفال؟